Вершы і казкі для дзяцей

Вершы для дзяцей

Калыханка для мамы

Вашая адзнака Нет Сярэдняя: 4.8 (4 галасоў)

Так бывае нечакана
Часам сэрца ўскалыхне:
Колькі мілых калыханак
Колісь мама спела мне.

Працавала мама зранку –
Адпачыць прылегла ледзь.
Я для мамы калыханку
Пачынаю ціха пець:

“Баю-бай, мая матуля,
Да цябе хай прыйдзе Сон
І пяшчотаю атуліць,
Ахіне сваім крысом.

І табе кіно пакажа
Аб тваім дзяцінстве ён.
Мы яму за гэта скажам:
“Дзякуй, добры дзядзька Сон!”