Вершы і казкі для дзяцей

Вершы для дзяцей

Вячэрняя лічылка

Вашая адзнака Нет Сярэдняя: 4 (12 галасы)

Дзесяць.
У прыцемках прачнуўся месяц.
Дзевяць.
Дзеці снам і казкам вераць.
Восем.
Заціш ходзіць па пакосе.
Сем.
Павячэраў — больш не ем.
Шэсць.
Цемра дзень у долах есць.
Пяць.

Ранішняя лічылка

Вашая адзнака Нет Сярэдняя: 4.3 (12 галасы)

Адзін.
На луг світальны паглядзі.
Два.
Іскрыцца росамі трава.
Тры.
Збіваюць россып рос вятры.
Чатыры.
Вясёлы промень сеў на жвіры.
Пяць.
Воды ракі са сну бурчаць.
Шэсць.

Эны-бэны, фіны, лёк...

Вашая адзнака Нет Сярэдняя: 4.3 (12 галасы)

Эны-бэны, фіны, лёк,
Сам Пятровіч бліны пёк.
Пёк, пек, не дапёк,
Схапіў шапку дый уцёк.

— Заяц-месяц...

Вашая адзнака Нет Сярэдняя: 4.4 (7 галасы)

— Заяц-месяц,
Дзе ты быў?
— У лесе.
— Што рабіў?
— Лыкі драў.
— Куды клаў?
— Пад калоду.
— Выйдзі вон із карагоду!

Ішоў кот праз сто варот...

Няма галасоў

Ішоў кот праз сто варот,
Дайшоў да канца,
Знайшоў кацяня,
Мяў!

Кінь, кінь, перакінь...

Няма галасоў

Кінь, кінь, перакінь,
Давай далей пабяжым,
Цераз воду і агонь,
Не дагоніць нас і конь.

Чэрці ў возеры купалісь...

Вашая адзнака Нет Сярэдняя: 4.3 (7 галасы)

Чэрці ў возеры купалісь,
Чэрці рожкамі штурхалісь,
Чорт чарцёнка штурхануў
I чарцёнак патануў.

Ішоў баран...

Вашая адзнака Нет Сярэдняя: 5 (2 галасоў)

Ішоў баран
Па крутым гарам,
Вырваў траўку,
Палажыў на лаўку.
Хто яе возьмець,
Той вон пойдзець.

Ляцеў воран...

Вашая адзнака Нет Сярэдняя: 5 (3 галасоў)

Ляцеў воран
У трубу чорну.
Дым валіць —
Табе жмурыць.

Кацілася торба...

Вашая адзнака Нет Сярэдняя: 4.7 (3 галасоў)

Кацілася торба
З высокага горба,
А ў той торбе
Хлеб, пшаніца.
З кім жадаеш
Ты дзяліцца?

Ішла кошка па раялі...

Няма галасоў

Ішла кошка па раялі,
Наступіла на педалі
I ад болю закрычала:
— Мяу!

Ішла кукушка міма сеці...

Вашая адзнака Нет Сярэдняя: 4.3 (3 галасоў)

Ішла кукушка міма сеці,
А за ёй пішчалі дзеці.
Кук-мак, кук-мак,
Выбірай адзін кулак.
Ку-ку, ку-ку,
Прынімай адну руку.

Кацілася яблычка па агароду...

Вашая адзнака Нет Сярэдняя: 5 (2 галасоў)

Кацілася яблычка па агароду
I упала прама ў воду.
Бульк!

Хадзіў буська па балоту...

Няма галасоў

Хадзіў буська па балоту,
Ён шукаў сабе работу.
Шукаў, шукаў, не знайшоў
I заплакаў дый пайшоў.

Бегла курка па таку...

Вашая адзнака Нет Сярэдняя: 4.7 (3 галасоў)

Бегла курка па таку,
Па зялёным табаку,
Ела сахар і мядок,
Адчапіся, каралёк.

Стакан, лімон...

Вашая адзнака Нет Сярэдняя: 5 (2 галасоў)

Стакан, лімон,
Выйдзі вон!
Стакан вады,
Выйдзі ты!

Нітачка, іголачка...

Вашая адзнака Нет Сярэдняя: 5 (3 галасоў)

Нітачка, іголачка,
Ці-ці-ці,
Уляці.

Стаяла машына...

Вашая адзнака Нет Сярэдняя: 5 (2 галасоў)

Стаяла машына
Каля канторы,
Номер дзевяты —
Выйдзі пузаты.

Я сядзеў, чытаў газету...

Вашая адзнака Нет Сярэдняя: 5 (1 голас)

Я сядзеў, чытаў газету,
Нехта выпусціў ракету.
Раз, два, тры —
Гэта, верна, будзеш ты.

Раз, два, тры, чатыры, пяць...

Вашая адзнака Нет Сярэдняя: 3.3 (4 галасоў)

Раз, два, тры, чатыры, пяць,
Выйшаў месяц пагуляць,
А за месяцам луна —
Аставайся ты адна.

Раз, два, тры, чатыры, пяць...

Вашая адзнака Нет Сярэдняя: 5 (3 галасоў)

Раз, два, тры, чатыры, пяць,
Выйшаў зайчык пагуляць.
А за зайчыкам луна,
Просіць выйсці калдуна.

Раз, два, тры, чатыры, пяць...

Вашая адзнака Нет Сярэдняя: 4.4 (5 галасы)

Раз, два, тры, чатыры, пяць,
Выйшаў зайчык пагуляць,
А за зайцам — шэры воўк,
Воўк у зайцах знае толк.

Раз, два, тры, чатыры...

Вашая адзнака Нет Сярэдняя: 3.7 (3 галасоў)

Раз, два, тры, чатыры,
Кошку грамаце вучылі:
Не чытаць, не пісаць,
А за мышкамі скакаць.