— Куркі!
Куркі!
— Ко-ка?
Ко-ка?
— Не хадзіце
Ў лес далека.
Бо жыве
У лесе ліс.
Шмат ён курачак загрыз.
А загінуць куркі ўсе,
Хто яечкі
Нам знясе?
Кажуць куркі:
— Ко-ка!
— Ко-ка!
Не адыдземся
далёка,
Калі ўранку
На падворку
Круп насыплеце
Нам горку.

Сёння свята нашых мам:
Прыйдуць мамы ў госці к нам.
Мы ўсім садам іх чакалі,
Падарункі рыхтавалі:

Хто хусцінку вышываў,
Хто карцінку маляваў,
Кожнай маме — падарунак,
Кожнай маме — пацалунак.

Павіншуем мам сваіх,
Мам любімых, дарагіх.
Дружна шчасця пажадаем,
Дружна песню заспяваем.

Вельмі рад, вельмі рад
Мам сустрэць дзіцячы сад.