* * *
Мяне ўсе просяць,
Мяне чакаюць,
А як толькі з’яўлюся,
Хавацца пачынаюць.

(Дождж)

* * *
Паглядзі: вось гэта конь —
Ярка-рыжы, як агонь.
Лезе угору ён без стомы,
Цягне бервяно для дома.

(Мурашка)

* * *
Каля сосен, каля ёлак
Збудаваны дом з іголак.
Можа, вам знаёмы ён?
Жыхароў у ім мільён.
Усе працуюць урачыста,
Вось чаму навокал чыста.

(Мурашнік)

* * *
Вось загадка-невялічка:
Жывуць брацік і сястрычка.
Міргне сястрычка, і тым часам
Брат ёй адкажа гулкім басам.

(Маланка і гром)

* * *
Невялікі, рыжаваты,
А хвост доўгі і калматы,
На дрэве жыве і шышкі грызе.

(Вавёрка)